Gegaps by Nicoza:

Die 80-jarige omie besoek sy huisdokter vir sy gereelde ondersoek en die dokter vra hom hoe hy voel. “Uitstekend!” sê die omie. “Ek het nog nooit beter gevoel nie. My 18-jarige bruid is swanger met my kind. Wat sê jy daarvan?”

Die dokter buig vooroor en sê: “Oom, kom ek vertel Oom ‘n storie. Een van my vriende is ‘n kranige jagter wat elke seisoen in die veld is. Eendag was hy ‘n bietjie haastig en gryp toe sy sambreel pleks van sy geweer. So stap hy toe veld in en skielik sien hy ‘n duiker agter die bos voor hom. Hy lig sy sambreel op, lê aan en druk die handvatsel. Boem! En daar val die duiker dood neer.”

“Onmoontlik,” sê die omie. “‘n Ander man moes daai skoot geskiet het!”

“Presies,” sê die dokter.

Fantastiese advertensies van Radio Sonder Grense. Eerlik gesê kom van die beste reklame in die wêreld uit Suid-Afrika, en spesifiek in Afrikaans.

OPGEDATEER: Die videos is almal van YouTube verwyder, vermoedelik omdat iemand gekla het. Die “iemand” kon seker net RSG of die SABC gewees het, want dis mense wat die regte hierop besit. Hoe eenvoudig en agterlik is dit nie? Materiaal wat in die eerste instansie ontwerp is om aan soveel mense moontlik gewys te word, en in die tweede instansie betaal is met die Suid-Afrikaanse belastingbetaler se geld, beland eenvoudig in die asblik van die Internet. As dit nie RSG of die SABC was wat dit laat verwyder het nie, vra ek nederig om verskoning. Maar wie dit ook was, het niemand ‘n guns gedoen nie.

Jannie is nege jaar oud, en vra vir sy ma: “Ma, hoe spel mens ‘boks’?”

Jannie se ma weet beter, en sê: “Nee, my kind, die woord ‘boks’ is nie goeie Afrikaans nie, mens sê eerder ‘doos’. Dis D – O – O – S.

Die volgende dag kom Jannie verskriklik suur van die skool af by die huis. Sy ma vra wat fout is.

“Wel, ons moes vir Afrikaans ‘n opstel skryf oor sport, toe skryf ek, ‘Ek hou meer van doos as van rugby’.”

Miskien die mooiste kasteel van België, was die Kasteel van Horst (digby Leuven) vroeër veral bekend as die tuiste van die stripheld De Rode Ridder. Onlangs is die kasteel “herontdek” en opgeknap, en die resultaat is skitterend.

Vir meer foto’s van die kasteel, sien my versameling op Flickr.