Vir enigiemand op soek na ‘n goeie resep vir potjiekos, hier is een (gevind op e.Soek — op die oomblik nie bereikbaar nie):

1 kg skaap- of lamsvleis in blokkies gesny
kookolie
1 knoffelhuisie geskil en gekap
5 ml koljander
6 heel naeltjies
1 klein blikkie tamatiepasta
10 ml bruin asyn
25 ml blatjang
sout na smaak
2 uie geskil en in ringe gesny
5 ml borrie
15 ml kerriepoeier
1 stukkie heel pypkaneel
5 ml fyn jeera (komein)
250 ml appelkooskonfyt
25 ml suiker
1 groen rissie pitjies verwyder en skil gekap
250 g gedroogde appelkose in ‘n bietjie water geweek
5 ml fyngedrukte groen gemmer
1 groen soetrissie (green pepper) pitte verwyder en gekap
250 ml karringmelk of Bulgaarse jogurt

Gebruik ‘n nr. 3-pot

Braai die vleis in die olie. Voeg sout by, voeg dan uie en knoffel by, laat
effens bruin word, en voeg dan al die ander bestanddele, behalwe konfyt, blatjang en karringmelk of jugurt by.

Prut stadig vir 2.5 ure of tot die vleis sag is. Voeg dan ander bestanddele
by. Voeg nog sout by indien jy sou verkies.

Bedien met gekookte rys of net so met gekapte tamatie en uie.

This is Potjiekos, Potjiekos from Huisgenoot, Annette Human Se Raakvat-resepte, Kos vir die kenner: ‘n kookboek met meer as duisend goeie resepte, Huffel En Suffel: Resepte Vir Vingers Aflek

Derek Koch van Cape Classic Wines skryf oor wat gebeur in die wynwêreld in Suid-Afrika.
(meer…)

Derek Koch van Cape Classic Wines in België vertel wat gebeur in die Suid-Afrikaanse wynmark.
(meer…)

Min dinge is so eg Suid-Afrikaans as Pinotage. Sonskyn, braaivleis en Chevrolet is ook te vinde in Australië of aan die Weskus van Amerika, maar Pinotage, ongeag waar jy hom raakloop, ongeag wie die druif aanplant, en ongeag wie die wyn maak, se karakter bly Suid-Afrikaans.
(meer…)

Dis ‘n koue herfsaand in Antwerpen, na ‘n harde dag tussen boekstalletjies by die Vlaamse Boekebeurs. Nog één punt op die agenda: aandete by Marc Vogels se Antwerps Kaaps Degustatiehuis in Breidelstraat naby die Sentraalstasie. Hier by Marc en Lutje tussen die volstruiseierdop-kershouers en eklektiese versameling Antwerpse seevaartmemorablia lééf die Suid-Afrika waarvan meeste van ons net in storieboeke lees, van die gul ontvangs tot ‘n afskeid wat jou amper skuldig laat voel jy loop.
(meer…)

Dit was ‘n koue, reënerige Saterdagaand toe die Gavera-susters en hul gades besluit het om sonder bespreking in te val by die nuwe Belgiese restaurant, 0932, in Groenpunt. Riskant ja, want verskeie eetplekke was reeds vol – so hoekom sal 0932 anders wees? Die honger het seker vlak gelê, want ‘n tafel het ons gekry.
(meer…)