Oor minder as 5 maande is dit presies 20 jaar sedert die skrywer Etienne Leroux permanent na Welgevonden verhuis het. Hy was altyd “with it”, op hoogte van wat aangaan in die breër wêreld buite Koffiefontein. Ek dink graag hy sou vandag in sy studeerkamer agter ‘n rekenaar gesit het, sigaret in die hand en sy Hermes tikmasjien uit die pad geskuif, en sy wysheid met die wêreld gedeel het via Twitter. Volg hom hier.

Breyten Breytenbach en Gert Vlok Nel sal op 17 Junie 2009 optree by Raakruimtes in Hengelo, Nederland. Meer inligting hieroor is onder “Programma” op die Raakruimtes website.

De Plaag is argeoloog en kultuurhistorikus David van Reybrouck se nie-fiksie debuut, en is benoem as een van die finaliste vir die Gouden Uil boekprys vir 2002.
(meer…)

In ‘n ateljee in Leuven word ‘n Afrikaanse skrywer herkonstrueer – ‘n skrywer wat al langer as ‘n dekade dood is. Stuk vir stuk herrys een van Afrikaans se grootste seuns, en ook een van Afrikaans se mees verguisde seuns. Die oogmerk van hierdie moderne Frankenstein-verhaal is egter nie om ‘n skrywer van vlees en bloed uit die graf te laat herrys nie, maar om die intellektuele nalatenskap van en oor een van die grootste Afrikaanse prosaskrywers te bewaar en met die wêreld te deel.
(meer…)

“Ons bevraagteken beelde vóór ons na hulle luister, ons bevraagteken hulle lukraak. En dan staan ons sprakeloos as die verwagte antwoord nie verskyn nie.” – Paul Nougé, Belgiese Surrealis.

Die Surrealistiese beweging is ‘n eg twintigste-eeuse fenomeen wat die onderbewuste eerder as die bewuste verbeeld. Van groot belang vir die Surrealiste was die Dadaïstiese beweging en die psigoanalitiese navorsing van Sigmund Freud (veral sy boek Die Traumdeutung), en, gevolglik neem Surrealistiese werke reëlmatig ‘n droomagtige vorm aan. ‘n Bekende voorbeeld hiervan is die werke van Salvador Dali, alhoewel Dalí weens sy gebrek aan politieke belangstelling buite die kern van die tradisioneel links-aktiewe Surrealistiese beweging gestaan het.
(meer…)

Edward Burke bespreek “Verkenning” en “‘n Ander Land” van Karel Schoeman.
(meer…)

Etienne Leroux, die grootste naam onder Afrikaans skrywers, se meesterwerk Sewe Dae by die Silbersteins is 40 jaar gelede in 1962 uitgegee. Die roman, wat 15 herdrukke beleef het, is tans uit druk. Meer inligting oor Etienne Leroux en sy werk is beskikbaar by die Digitale Etienne Leroux Projek. Ter viering van 40 jaar Silbersteins herpubliseer Afrikaans.be ‘n fragment uit die grootse werk.
(meer…)

‘n Artikel deur Leon Rousseau in die Suid-Afrikaanse Sunday Times van 24 September 2000.
(meer…)

Hierdie artikel deur Dr. P.J. Nienaber het verskyn in Lantern (“Die Tydskrif vir Kuns en Kultuur”), jaargang 8 volume 8 nommer 4, van April – Junie 1959. Die artikel is geskandeer en digitaal verwerk, dus kan daar spelfoute wees. Foute in grammatika en bedenklike Engels is egter die skrywer se eie.
(meer…)

Luc Renders van die Universiteit Hasselt oor Afrikaans as kultuurtaal.
(meer…)