UNESCO het ‘n interaktiewe kaart van bedreigde tale op hul website, met die onderskeie tale opgebreek per land. Gedink Afrikaans is ‘n bedreigde taal? Dink weer. Met ongeveer 13 miljoen mense wat Afrikaans as eerste, tweede of derde taal praat is dit nie eers naastenby in dieselfde kategorie as enige van die bedreigde tale nie.

In Suid-Afrika is daar drie tale met uitsterf bedreig: N/uu (8 sprekers), Xiri (87 sprekers) en Korana (nie ‘n enkele spreker waarvan UNESCO weet nie).

Die Suid-Afrikaanse Menseregtekommissie ondersoek ‘n klag teen Standerton Hospitaal, na ‘n amptenaar van die hospitaal na bewering dokters by die hospitaal verbied het om voorskrifte of aantekeninge oor pasiënte in Afrikaans te maak. Die amptenaar, Henriette Lodewyk, het die dokters skriftelik laat weet dat die maatreël bedoel is om misverstande met Engelssprekende verpleegpersoneel te voorkom.

Interessante statistieke berig deur Rapport op Bizcommunity.com:

Afrikaans-speaking South Africans are an affluent proportion of our population. According to AMPS 2007B, of the 4 million Whites in the country, 59% are Afrikaans and 79% of Coloureds have Afrikaans as their first language. [...] The Afrikaans South African is regarded as having great buying power, strong initiative, independence and decisiveness. AMPS 2007B reveals that 34% of LSM 7-10 and 38% of LSM 8-10 are Afrikaans speaking consumers whilst companies that advertise only in the English media reach just 10% of Afrikaans-speaking consumers in the high-income LSM 8-10 brackets.

Uit die Volksblad:

Geen Afrikaanse musiek mag meer oor die nasionale radiogolwe van Radio 2000 gespeel word nie. Volksblad het gister vertroulik verneem ’n nuwe reël geld van vandag af op dié radiostasie waarvolgens geen Afrikaanse musiek tussen 06:00 en 18:00 gespeel mag word nie.

Nie dat ek ooit na Radio 2000 luister nie, maar nog steeds…

Oud-president F.W. de Klerk het in Amsterdam erken dat hy bekommerd is oor die voortbestaan van Afrikaans. Volgens de Volkskrant “waarschuwt [de Klerk dat] de waarborgen in de Zuid-Afrikaanse grondwet om de Afrikaanse talen te beschermen, op allerlei wijzen worden omzeild”.

Zo heeft de regering steeds meer de neiging het Engels als enige ambtelijke taal te hanteren. Ook is het aantal scholen waar Afrikaans wordt gesproken afgenomen van 3400 in 1994 tot ongeveer 800 in 2006, en worden de universiteiten gedwongen steeds meer te ‘verengelsen’.

De Klerk was in Amsterdam vir vieringe vir van 125-jarige bestaan van die Nederlands-Zuidafrikaanse Vereniging (NZAV). Van sy eie rol in die totstandkoming van die benarde situasie vir Afrikaans as kultuurtaal het hy klaarblyklik niks gesê nie.

Nederlands is volgens sy kampvegters in ‘n toenemend benarde positie ten opsigte van Engels. Soos baie ander “kleiner” tale (want met ongeveer 20 miljoen sprekers is Nederlands sekerlik nie ‘n minderheidstaal nie) voel Nederlands die warm asem van globariserende Engels in sy nek.

Volgens voorstanders van dubbel-medium onderrig aan die Universiteit van Pretoria (van slegs Afrikaans na gemengd Afrikaans en Engels) is die meerderheid van die studente wel ten gunste van so ‘n aanpassing. Selfs al sou Engels dan die dominante voertaal vir beide administrasie en akademie word, sou ‘n aansienlike persentasie van studente die transformasie steun.

En tog, wanneer die studente kans kry om self ‘n standpunt in te neem, blyk die teenoorgestelde waar te wees. In die afgelope studenteraadverkiesings het meer as 5,000 van 9,300 stemme aan die Vryheidsfront gegaan, aansienlik meer as die 3,300 wat die Vryheidsfront in die vorige verkiesings behaal het. Die Vryheidsfront is uitgesproke pro-Afrikaans, en die studente se enorme steun vir die party se kandidate in die studenteraad is ‘n onomwonde bewys van die steun wat Afrikaans nog op die Tukkie kampus geniet.

Die Amerikaanse filoloog Jeremy Bergerson skryf oor sy liefde vir Afrikaans.
(meer…)

‘n Lesing gehou deur Koos Malan van die Groep van 63, as deel van ‘n debat tydens die Klein Karoo Nasionale Kunstefees (KKNK) oor die Afrikaanse gemeenskap en die opposisiepolitiek, Oudtshoorn, 31 Maart 2002.
(meer…)

‘n Praatjie gelewer deur Max du Preez by die Klein Karoo Kunstefees (KKNK) in Oudtshoorn as deel van Die Burger-lesingreeks, April 2002.
(meer…)